Miri dhe Mateo janë përplasur ashpër gjatë ditës së sotme. Pas deklaratës së Mirit gjatë Prime-it të kaluar, ku ishte shprehur në dhomën e rrëfimit se kishte pëlqim dhe se e donte Selinën për lojën që ajo bën, Mateo nuk e ka lënë “të qetë” banorin. Gjatë debatit në oborr, Mateo e ka pyetur Mirin nëse ky i fundit do të zgjidhte të ndahej nga bashkëshortja e tij për Selinën. Ndërsa Mateo e përsëriste gjatë gjithë kohës të njëjtën pyetje, Miri i është përgjigjur se ai ka një bashkëshorte të mrekullueshme dhe se ai nuk duhet të ndërhyjë në jetën e tij personale. Në debat është përfshirë edhe Juela, e cila i është kundërpërgjigjur Mateos duke i thënë se ai po mundohet të imitojë lojën e Rogertit. Ndërkohë në primen e së martës Miri u zgjodh lideri i shtëpisë nga votat e publikut, i cili kishte një avantazh të dërgonte në nominim dy çifte, të ndarë në lojën e fundit. Miri dërgoi në televotim Mateon, Gimbon, Brikenën dhe Selin. Dy më pak të votuarit do të përballen me njëri-tjetrin në primen e së shtunës se kush prej tyre do të largohet nga shtëpia ditën e martë.