Presidentja e komisionit Europian, Ursula Von Der Leyen është vendosur nën hetim nga zyra e prokurorit publik së bashku me shefin ekzekutiv të kompanisë Pfizer. Shefja e KE po hetohet nga prokurorët belg të Lieges raporton Politico që I referohet një zëdhënësi të kësaj zyre. Edhe pse ende nuk ka asnjë akuzë zyrtare ndaj saj, ajo po hetohet për “ndërhyrje në funksionet publike, fshirje mesazhesh, korrupsion dhe konflikti interesi”. Kjo pasi dyshohet se Von Der Leyen në kohën e pandemisë arriti të sigurojë një marrëveshje me kompaninë Pfizer për sigurimin e vaksinës kundër kovid për një shumë prej 20 miliardë eurosh. Por edhe pse kjo marrëveshje u duartrokit nga shefja e KE, sipas POLITICOm në fund të vitit të kaluar rezultoi se kishin humbur më shumë se 4 miliardë doza. Por pavarësisht kësaj palët kanë rinegociuar sërish kontratën. Kjo gjë ka bërë që shumë aktivistë të dalin kundër Presidentes së Komisionit Europian, ndërsa padia ndaj saj u depozitua në fillim të vitti 2023 nga lobisti Frédéric Baldan. Kallëzim që iu bashkua më pas edhe qeveria hungareze dhe ajo polake, por që kjo e fundit po tërhiqet nga ankesa pas fitimit të zgjedhjeve nga ana e Donald Tusk. Në rast se prokurorët do të ngrinin një akuzë kundër Von Der Leyen për këtë rast, atëherë Presidentja e Komisionit Europian e cila po përgatitet për të fituar një tjetër mandat në këtë institucion do të ishte në telashe. Pamjet: AFP