Deklarata e kryeministrit të Kosovës Albin Kurti se pas formimit të qeverisë së re malazeze do të rishikohet marrëvshja e demarkacionit mes dy vendeve, ka sjellë reagimin e menjëhershem të kryeministrit të Malit të Zi, Zdravko Krivokapic, i cilie quajti një “provokim të papranueshëm”. Për Krivokapic, qëndrimi i Kurtit është paralajmërim për “aspiratat e rrezikshme të cenimit të integritetit territorial” të Malit të Zi.“Është interesant fakti që nuk ka asnjë reagim nga presidenti i Malit të Zi dhe kandidati antikushtetues për kryeministër, Dritan Abazovic”, ka shkruar ai në Twitter. Katër vjet nga ratifikimi i marrëveshjes së shumëdiskutuar, Kurti u shpreh se për demarkacionin, kërkon të fillojë bisedime me ekzekutivin e ri malazez.“Shpresojmë që do të ketë kushte të reja, me Qeverinë e re për ta trajtuar edhe këtë çështje, për të cilën natyrisht që fajin e përgjegjësinë e ka ajo Qeveria e atëhershme, e cila padrejtësisht, gabimisht e shumë dëmshëm i dha Malit të Zi 8,200 hektarë të territorit të Kosovës”, tha ai.Kuvendi i Malit të Zi ka miratuar mocionin e mosbesimit ndaj Qeverisë së Krivokapicit në fillim të shkurtit, por ajo mbetet me mandat teknik deri në zgjedhjen e Qeverisë së re. I mandatuari për kryeministër është Dritan Abazovic nga Lëvizja Qytetare URA. Kuvendi i Kosovës e ratifikoi marrëveshjen për demarkacionin e kufirit ndërmjet Kosovës dhe Malit të Zi në 21 mars 2018, ndërsa deputetet e Vetëvendosjes asokohe në opozitë, u përpoqën ta parandalonin miratimin e saj duke përdorur dhe gaz lotsjellës. Marrëveshja është ratifikuar, por me një ujdi ndërmjet dy vendeve për korrigjimin e gabimeve të mundshme gjatë demarkacionit fizik të kufirit. Drita jeshile për këtë pakt ishte një nga kushtet e fundit të Bashkimit Evropian për heqjen e regjimit tëvizave për Kosovën, por një gjë e tillë, ende nuk ka ndodhur.