Prej 9 ditësh flakët vazhdojnë të shkrumbojnë bimësinë në Malin e Thatw ndërsa disa vatra aktive vijojnë në Parkun Kombëtar të Prespës. Pavarësisht përpjekjeve të forcave të shumta këmbësore për të vënën nën kontroll zjarrin që ka dëmtuar deri tani gati 300 ha sipërfaqe pyjore ka qenë e pamundur që zjarri të shuhet. Thirrjes për ndihmë nga ajri për të neutralizuar flakët i është përgjigjur Mekanizmi Evropian i Emergjencave Civile i cili ka dërguar dy avionë rumunë në ndihmë të Shqipërisw. Ndërsa forcat këmbësore janë përpjekur të mbajnë nën kontroll situatwn në një terren shumë të vështirë një prej avionëve rumunë ka bërë pasditen e së mërkurës vetëm një ndërhyrje me ujë nga ajri. Mësohet se ditën e nesërme do të vijojë ndërhyrja intensive në Malin e Thatë për të mundësuar izolimin dhe shuarjen e të gjitha vatrave të zjarrit në zonë.