Kriza e ekonomisë gjermane ka lënë gjurmën e saj edhe tek gjigandi i automjeteve Volksëagen, i cili shënon rënie të fitimeve dhe mundësinë e pushimit masiv nga puna të punëtorëve. Industria gjermane e automjeteve është në telashe për shkak të humbjes në rritje të rëndësisë së motorëve me djegie në tregjet kryesore (SHBA, Kinë, Evropë) dhe kalimit në prodhimin e makinave elektrike.Studimi i fundit i firmës konsulente PriceëaterhouseCoopers (PëC) thotë se numri i regjistrimeve të automjeteve me bateri (BEV) do të rritet ndjeshëm në vitet e ardhshme. Vëzhguesit e tregut nga Frankfurti tregojnë se cilat modele janë aktualisht të suksesshme e cilat jo. Por nga perspektiva gjermane, kjo është shqetësuese: Modeli Y i Teslës është deri tani makina më e shitur në tregjet kryesore. Modelet e VË janë shumë prapa. Sipas ekspëertëve, këtu luajnë një rol të rëndësishëm "ndryshimet e mëdha që kanë ardhur nga konkurrentët kinezë”. Sipas VË, këto ndryshime po çojnë në një rënie të madhe të fitimeve: në tremujorin e tretë të 2024, fitimet kanë qenë rreth 64 për qind më të ulëta se një vit më parë.Si përgjigje, koncerni planifikon të kursejë kryesisht në kostot e punës. VË planifikon të mbyllë tre fabrika dhe të shkurtojë dhjetëra mijëra vende pune.Në Belgjikë, Audi, e cila është pjesë e koncernit VË, po ndërmerr hapa konkretë dhe planifikon të ndalojë prodhimin e makinave elektrike në Bruksel në fund të shkurtit –me rreth 3.000 njerëz janë të punësuar atje. Volksëagen është themeluar në vitin 1938 si një ndërmarrje shtetërore dhe kurrë nuk ka qenë krejtësisht e pavarur. Tani po kërkohet që politika të kontribuojë më shumë, për shembull me futjen e stimujve të rinj për blerjen e makinave elektrike dhe lehtësime të tjera nga BE.