Rusia ka njoftuar një armëpushim të ri duke filluar nga ora 10:00 me orën e Moskës të mërkurën, duke thënë se është gati të sigurojë korridore evakuimi nga Kievi, Chernihiv, Sumy, Kharkiv dhe Mariupol, së bashku me qytetet e tjera të negociuara me palën ukrainase. Rusia këmbëngul në nevojën e një kanali të vazhdueshëm komunikimi me Ukrainën për të shkëmbyer informacione në lidhje me evakuimin e civilëve dhe të huajve. Pala ruse propozon që Kievi të njoftojë përfaqësuesit e ambasadave të shteteve të huaja dhe organizatave ndërkombëtare të vendosura në territorin e Ukrainës për armëpushimin dhe sigurimin e korridoreve humanitare. Ndërkohë mes paralajmërimeve se Vladimir Putin do të "dyfishojë forcat në pushtimin e tij Polonia ka thënë se do t'ia dorëzojë SHBA-ve avionët e saj luftarakë MiG-29, të cilat më pas pritet t'i dhurohen Ukrainës. SHBA thotë se deri më tani rreth 8 deri në 10% e aseteve ushtarake ruse të përdorura në pushtimin e Ukrainës janë shkatërruar, ndërsa Presidenti Zelensky tha se Ukraina do i shkojë luftës deri në fund, dhe do të triumfojë. Pamjet: AFP