Sportisti amerikan, Brandon McManus, po përballet me akuza për abuzim seksual. Dy stjuardesa kanë deklaruar se gjatë fluturimit në Florida për në Londër vitin e kaluar, lojtari i ligës kombëtare të futbollit amerikan, i ka ngacmuar seksualisht. Njëra prej tyre pretendoi se McManus u përpoq ta puthte, ndërsa ajo ishte ulur gjatë një turbulence. Në një deklaratë për BBC, avokati i lojtarit, Brett Gallaway i quajti akuzat “absolutisht të rreme”. Ndër të tjera ai pretendoi se ishin bërë për “të shpifur dhe përçmuar një lojtar të talentuar dhe të respektuar të ligës kombëtare të futbollit amerikan”. Ai e quajti padinë “një tentativë zhvatjeje”. Një zëdhënës i Komandantëve raportoi se autoritetet u njoftuan për padinë një ditë më parë dhe se do ta marrin seriozisht hetimin për këtë gjë. Pamjet: AFP