Gjykata e posacme konfirmoi masën që kishte shpallur në mungesë ndaj Leonard Luzit I cili akuzohet për grup kriminal dhe sigurim tw kushteve pwr tw vrarw. I ekstraduar nga Spanja pak ditë më parë, 47 vjecari dëgjoi akuzat e SPAK që thotë se I dyshuari porositi Amarildo Nikollin për të vrarë dy shtetas në Vlorë të identifikuar si Ervis Matodashaj dhe Inez Hajrulla. Egzekutimi I tyre sipas hetimeve te deritanishme duhej kryer jo vetëm për hakmarrje por edhe për të marrë nën kontroll lojrat e fatit në qytetin e Vlorës. Si kushëri I Erigert Zejnos vrarë në 22 mars 2013, Leonard Luzi dyshohet se u përpoq të hakmerrej mbasi hetimet locale ekspozuan tre emra atë të Ervis Matodashaj, Nadir Ferkos dhe Altin Sejdirajt, ndaj të cilëve hetimet u pushuan pwr mungesw provash. SPAK dyshon se kushëriri Luzi u financua ndërkohë edhe nga një person tjetër për të vënë në lëvizje sagën e hakmarrjeve dhe për këtë qëllim krijoi një grup kriminal. Si ndihmës përfshiu Amarildo Nikollin aktualisht në burg, I cili do të ishte egzekutori, ndërsa Muharem Koroveshi, dhe Erio Zejno, në rolin e ndihmësit. Dy të fundit duhet të siguronin armët, të informonin mbi vendndodhjen e shënjestrave dhe të transportonin mbas krimit autorin që u kap rastësisht gjatë një kontrolli fizik