Big Brother VIP transmetoi të shtunën linjën e jetës, të rrëfyer nga vetë Laert Vasili. Ai ka treguar se është abuzuar në moshën 9-vjeçare, gjë që nuk e ka treguar për vite me radhe pasi është kërcënuar nga vetë autori. Në lot dhe tronditje, banori i Big Brother VIP është shprehur se këtë sekret e ka mbajtur për 45 vite të fshehtë. Pas këtij rrëfimi të mbushur me emocione dhe detaje tronditëse, aktori është surprizuar me një video-mesazh nga ikona e kinematografisë shqiptare Tinka Kurti. Ajo ndodhet në një azil për të moshuarit në periferi të Tiranës, detaj që e zbuloi gjatë rrëfimit për BBV. Tinka Kurti kërkoi që Laerti të mos e harrojë dhe se vlerëson punën e tij në teatrin shqiptar.