Qeveria shqiptare ketë vit ka vënë në dispozicion të fermerëve 4.4 miliard lekë, Skema Kombëtare kësaj here është e ndarë në 8 masa ku kemi dy risi pasi do të subevcionihen të gjithë blegtorët ku do të marin mbështetjet për gjedhët dhe viccat, një gjë e tillë ndodh për herë të parë, risia tjetër është se të gjithë fermerët e serave që kanë vendosur të heqin dorë nga pesticidet dhe që përdorin kontrollin biologjik. Aplikimet për Skemën Kombëtare do të zgjasin disa ditë duke filluar që nga 14 prill e deri më 30 maj. Fermerët mund të aplikojnë nëpërmejt një telefoni celular smart, por mund tu drejtohen edhe agropikave. Enver Gaba, nga fshati Daias i Tiranës, ka një sipërfaqe toke prej 17 dynym të mbjell me kultura të ndryshme bujqësore, ai thotë që edhe kësaj here do të aplikojë për të qenë përfitues i naftës falas. 80 vjecari thotë se e ka tepër të vështirë të aplikojë, për këtë arsy edhe kësaj here aplikin do tja bënë specialistët e agropikave.