Nga Gjirokastra, kreu i opozitës, Sali Berisha, akuzoi ish-kryebashkiakun socialist të Tepelenës, Tërmet Peçi, se u ka dhënë 60 milionë euro drejtorëve të tij. “E morët vesh ju, Tërmeti, 60 milionë euro drejtorëve të vet. 5D e Tiranës. U garantoj se po të ishin investuar 60 milionë euro në Gjirokastër, do kishin transformuar në shumë aspekte këtë rreth. Vidhen. Po me kë i ndan Tërmeti? Po Tërmeti natyrisht i ndan me Kumbaron, i ndan me Edi Ramën”. Të rinjtë, mësuesit e pensionistët ishin sërish fokusi i Berishës. “Përparësi absolute kthimi i parave tek ju. U garantoj se vendosja e mësuesit në piedestal, pagesa e tij minimimalisht me 1500 euro, do jetë objektiv që do mbahet si kusht për të ngritur arsimin. U garantoj ju se brenda 4 viteve, nuk do ketë klasë në Shqipëri me më shumë se 25 nxënës. Nuk do ketë turne”. Takimin elektoral t Gjirokastrës, Berisha e mbylli me një thirrje për gratë dhe një thumb për Ramën. “Ndaj dhe 11 Maji është dita e nënave, motrave, grave, bashkëshorteve shqiptare, në nderin, dinjitetin e tyre t’i japin përgjigjen që meriton këtij mizogjeni të pashpirt i cili për karrige është i aftë të bëjë çdo gjë, të thotë çdo gjë”.