Deputetët e Kuvendit të Kosovës miratuan të premten buxhetin për vitin 2026. Një prej ligjeve më të rëndësishme për vendin, kaloi vetëm me votat e pushtetit dhe me gjashtë amandamentet që propozoi komisioni parlamentar për buxhet. Opozita e kundërshton këtë ligj, pasi sipas tyre ka mangësi e nuk reflekton as përbërjen qeveritare. Partia Demokratike e Kosovës tërhoqi 32 amandamentet e propozuar nga deputetët e saj, pasi nuk kishin marr mbështetjen në komisionet përkatëse, përfshirë edhe amandamenti për dyfishimin e mbështetjes financiare për mbrojtjen e ish-krerëve të Ushtrisë Çlirimtare të Kosovës që po gjykohen në Hagë.