Kopshti i ri në njësinë nr.10 në Tiranë, e con në 109 numrin total të çerdheve dhe kopshteve të reja të hapura në kryeqytet në këto 9 vite. Kryebashkiaku Erion Veliaj bëri me dije se hapja e institucioneve të reja arsimore do të vazhdojë edhe në zona të tjera të Tiranës. “Më vjen mirë që e çliruam këtë hapësirë dhe e ndërtuam nga e para. Për ne ky është kopshti ose çerdhja e 109-të që hapim në Tiranë. Për dikë mund të duket statistikë, por kur mendon që secila prej tyre është një vatër e madhe, që i ka sjellë një kontribut të jashtëzakonshëm komunitetit, jo vetëm për zhvillimin dhe edukimin e fëmijëve, por edhe për lehtësimin e prindërve, që ata t’i rikthehen karrierës, të sjellin një rrogë tjetër në shtëpi, është vërtet bekim”. Duke filluar nga shtatori tjetër, të gjithë nxënësit do të kenë ushqim falas në shkollat e Tiranës.