Një koment denigrues i bërë ndaj Gjestit shkaktoi përjashtimin nga gara e “Big Brother VIP”, të këngëtarit Jozef Marku. Vendimi erdhi pas debatit të një nate më parë mes Jozit dhe Gjestit, kur ndër të tjera ky i fundit e cilësoi Kopil shkjau. Në zarfin e zi, që mbërriti në shtëpi këtë paradite, theksohet se nuk ka asnjë tolerancë ndaj diskriminimeve e fyerjeve dhe se padija, urrejtja dhe çdo formë ndasie apo sjellje që cenojnë vlerat tona të përbashkëta, do të ndëshkohen pa asnjë mëdyshje. Disa prej banorëve nuk e kanë përjetuar aspak mirë largimin e Jozit, veçanërisht Loredana, me të cilin artisti nisi një romancë brenda shtëpisë, teksa pak ditë më parë u kurorëzuan në dasmën simbolike, që është bërë traditë në çdo edicion të “Big Brother VIP”. Edhe Valbona, mikja e Jozit, shpërtheu në lot. Ndërkohë, pak çaste pas largimit nga “Big Brother VIP 4”, ish-banori dha intervistën e tij të parë, ku i kërkoi falje Gjestit, familjarëve dhe çdo personi që është prekur nga deklarata e tij. Teksa theksoi vlerësimin që ka për shqiptarët e Kosovës, këngëtari tha se e përfaqëson Kosovën më mirë se Gjesti I pyetur nga moderatorja Sidorela Gjoni, Jozi foli për aludimet e bëra jashtë shtëpisë mbi orientimin e tij seksual, duke thënë se është “100% burrë”. Ai sqaroi fotot e publikuara në rrjet me shokun e tij, për të cilin tha “Milin e njoh prej vitesh, e kam si vëllain tim të vogël”. Mes banorëve, nuk munguan debatet.