Kosto më të ulëta të huamarrjes, këste më të favorshme të kredive si dhe një kërkesë më e lartë drejtuar bankave, janë këto efektet që pritet të sjellë ulja e normës së interesit me 0.25%. Ndryshimi i ndërmarrë nga Banka e Shqipërisë për të 3-tën herë brenda 2 viteve, sipas ekspertëve pritet të nxisë më tej kreditimin në ekonomi. Rritja e kreditimit në monedhën vendase e cila pritet të nxisë më tej në treg praninë e lekut mund të sjellë sipas ekspertëve edhe luhatje të lehta në kursin e këmbimit. Ndërsa një ndikim pritet edhe në blerjen e pasurive të paluajtshme me anë të kredive. Një vendim për normën bazë të interesi nga BSHt erdhi disa muaj pasi Banka Qendrore europiane e uli këtë tregues në njëjtën vlerë prej 2.5%.