Paralajmërimet e Shteteve të Bashkuara për Penianin, duket kanë rënë në veshin e shurdër të liderit koreano-verior Kim Jong Un i cili raportohet të ketë nisur me trenin e tij të blinduar udhëtimin drejt Vladivostokut, kur pritet të takohet me presidentin rus, Vladimir Putin. Treni, që Kimi e përdor zakonisht për vizitat e tij jashtë kufijve, thuhet të ujetë larguar tashmë nga kryeqyteti i Koresë së Veriut. Agjencia ruse e lajmeve, Interfax njoftoi më herët se Kim pritet të realizojë një vizitë në Rusi “në ditët në vijim”. Nëse mbahet samiti me Putinin, ky do të jetë i pari për liderin verikorean pas më shumë se katër vjetësh. Pas shpërthimit të pandemisë së koronavirusit, Kim qe shprehur se nuk do të largohej nga vendi. Me shefin e Kremlinit, ai me shumë gjasë do të diskutojnë mundësitë që që vend ii vet të armatosë ushtrinë ruse për të mbështetur në këtë mënyrë luftën e saj në Ukrainë, pohoi përpara pak ditësh një zyrtar amerikan. Hera e fundit që Kim mori rrugën drejt Vladivostokut ishte në 2019-tën kur u takua me Putinin pas dështimit për të arritur një marrëveshje me ish-presidentin amerikan, Donald Trump mbi çarmatimin në Gadishullin Korean. Këshilltari i Sigurisë Kombëtare të SHBA-së, Jake Sullivan paralajmëroi të marten e kaluar se Koreja e Veriut do të paguajë një cmim shumë të lartë nëse do të furnizojë Moskën me armë, të cilat ajo padyshim do t’i përdorë në Ukrainë.