Të paktën tre persona kanë humbur jetën dhe 13 të tjerë janë plagosur pas sulmeve ajrore të natës që Rusia realizoi gjatë natës mbi Ukrainë me 800 dronë dhe 13 raketa. Një prej viktimave është një fëmijë 1 vjeç. Për herë të parë që nga fillimi i agresionit rus, një nga ndërtesat kryesore të qeverisë në qendër të Kievit është goditur drejtpërdrejt nga një sulm ajror rus gjatë natës. Kryeministrja e Ukrainës, Yulia Svyrydenko (Julja Sviridenko), konfirmoi përmes një postimi në Facebook se godina qeveritare ka pësuar dëme të konsiderueshme në çati dhe në katet e sipërme për shkak të sulmit, ndërsa ekipet e shpëtimit po punojnë për të shuar flakët. Kryetari i Bashkisë së Kievit, Vitaliy Klitschko (Vitali Kliçko), tha se zjarri u shkaktua nga një sulm i dyshuar me dron.