Italia ndryshon sërish rregullat për ata që kërkojnë azil. Për emigrantët që aplikojnë, pagesa përgjysmohet nga 5000 deri në 2500 euro dhe do të përcaktohet “pa vonesë nga komisariati i policisë duke marrë parasysh situatën individuale të të huajit”. Kështu parashikon një dekret i Ministrit të Brendshëm Mateo Piantedozi, botuar në Fletoren Zyrtare. Ndryshimi në raport me dekretin e vjetër, është se Dekreti i ri përcakton afatin e regjistrimit të dosjes “brenda shtatë ditëve duke filluar nga pagesa e shumës së përcaktuar në komisariatin e policisë”. Një tjetër risi është edhe mundësia që këto para “të sigurohen brenda një periudhe prej njëzet e tetë ditësh edhe nga të afërmit e të huajit, të cilët duhet figurojnë me banim të rregullt në Itali ose në një shtet tjetër të Bashkimit Evropian”. Për të përcaktuar masën e garancisë, komisari i policisë "vlerëson, në veçanti, shkallën e bashkëpunimit të ofruar nga i huaji në procedurat e identifikimit. Ai duhet të jetë i saktë në shënimin e të dhënave personale të tija dhe të të afërmve që banojnë në BE si dhe duhet patjetër që përveç adresës së vendbanimit dhe asaj të punës, i huaji duhet që të posedojë ndër të tjera edhe një numër telefoni, të cilin duhet ta deklarojë. Pamjet: AFP