Ish-gjenerali i NATO-s, Petr Pavel ka bërë sot botimin presidencial në Republikën Çeke, duke u bërë presidenti i katërt i vendit që prej pavarësisë në 1993. Pavel fitoi me zgjedhje direkte në janar duke mundur ish-kryeministrin milioner Andrej Babis, në raundin e dytë. Pavel zëvenëson kështu presidentin e vjetër çek Milos Zeman, mandati dytë pesë-vjecar i të cilit skadon më 8 mars. Ish-komandanti para-ushtarak në luftën serbo-kroate në vitet 1990, vjen në post me zotime për të vijuar mbështetjen ndaj Ukrainës dhe forcimit të lidhjeve me BE, NATO dhe SHBA. "Në fitoren e vlerave, nuk ka as humbës as fitues. Ne jemi një komunitet që duhet të qëndrojmë bashkë," tha Pavel duke u zotuar të vendosë rregull në vendin evropian me 10.5 milionë banorë. I lindur në 1961, Pavel ka bërë si shkollë të mesme dhe universitet ushtarak në ish-Çekosllovakinë komuniste, të drejtuar nga Moska. Ai u bë anëtar i partisë komuniste dhe nisi të ngjiste shpejt gradat e ushtrisë. "Kam lindur në një familje ku anëtarësia në parti konsiderohej normale, nuk kisha njohuri të vlerësoja natyrën kriminale të regjimit”, justifikohej më herët Pavel për biografinë e tij.