Ish-presidenti i Republikës, Alfred Moisiu është paraqitur në spital gjatë pasdites së së mërkurës për shkak të vështirësive në frymëmarrje. 96-vjeçari është paraqitur në urgjencën e Qendrës Spitalore Universitare “Nënë Tereza”, ndërsa ndodhet në gjendje shëndetësore të stabilizuar në repartin e reanimacionit. Burime për Top Channel bëjnë me dije se, për shkak të moshës së avancuar dhe pranisë së një ene gjaku të bllokuar, ish-kreu i shtetit po mbahet në observim nga mjekët, ndërsa gjendja e tij paraqitet e qëndrueshme dhe pa komplikacione.