Në Iran, zia po kthehet në zemërim pas shpërthimit të fuqishëm në portin më të madh tregtar të vendit, nga i cili humbën jetën të paktën 40 persona dhe u plagosën më shume se 1 mijë të tjerë. Shpërthimi ndodhi mëngjesin e së shtunës në portin Shahid Rajaee, pranë qytetit jugor të Bandar Abas, të shtunën në mëngjes ndërsa numri i viktimave përgjatë 24 orëve, fatkeqësisht është rritur. Zjarret janë ende të ndezura dhe një re e zezë me kimikate toksike vijon të përhapet në zonë. të gjitha shkollat ​​dhe institucionet janë mbyllur në këtë qytet, por edhe qytetet e afërta me të, ndërsa njerëzve kërkohet që të qëndrojnë brenda shtëpive të tyre "deri në njoftim tjetër”. Efektet e shpërthimit thanë autoritetet do ndjehen dëri në 50 km larg portit. Në mediat sociale janë të shumta spekulimet për origjinën e përbërësit që shkaktoi shpërthimin e madh. Sipas tyre ushtria dhe Garda Revolucionare e Iranit po ruanin karburantin e raketave që kishin importuar kohët e fundit nga Kina në port - një pretendim që është mohuar nga një zëdhënës i ushtrisë. Zjarri ishte rezultat i "trajtimit të parregullt të një ngarkese me karburant të ngurtë që përdorej për raketat balistike iraniane", sipas Ambrey Intelligence. Neë York Times citoi një burim që kishte lidhje me Korpusin e Gardës Revolucionare Islamike të Iranit, i cili në kushte anonimiteti tha se ka shpërthyer perklorat natriumi, një element kryesor në karburantin e ngurtë për raketat.