Serbët zgjedhin të dielën një parlament dhe një president të ri, në zgjedhjet ku pritet të forcohet dominimi i qendrës së djathtë të presidentit Vuçiç që ka qeverisur dekadën e fundit. Serbia mbetet një periferi e veçantë e Evropës ku shumica e popullsisë mbështesin luftën e Rusisë në Ukrainë. Kryeqyteti Beograd ka parë protesta të gjera në mbështetje të Kremlinit ashtu si dhe demonstrime kundër politikave arbitrare të qeverisë Vuçiç. Serbia e Rusia kanë qenë të lidhur prej kohësh prej gjuhës së tyre sllave dhe trashëgimisë ortodokse. Kritikët thonë se shumica e mbështetjes për luftën e Vladimir Putin vjen vetëm prej urrejtjes së tyre për NATO-s e cila bombardoi Beogradin në fund të Luftës së Kosovës . Rusia gjithashtu ka mbështetur Serbinë në cështjen e Kosovës, duke refuzuar pavarësinë e saj dhe duke ndaluar aderimin e vendit në Kombet e Bashkuara. Presidenti serb Aleksandar Vucic është përpjekur të ruajë një linjë delikate diplomatike duke dënuar Moskën në OKB për sulmin por duke refuzuar sanksionet ndaj Rusisë.