Nën masa të larta sigurie, mesditën e kësaj të enjte, në Porto Romano të Durrësit kanë mbërritur ekspertët e specializuar për marrjen e kampionëve nga mbetjet e dyshuara toksike në 102 kontejnerët e sekuestruar nga prokuroria e Durrësit. Gjatë këtyre ditëve, mostrat do të merren nga kontejnerë të ndryshëm, për t'u dërguar më pas në një laborator të specializuar jashtë vendit. Ato do t'i nënshtrohen analizave që do të përcaktojnë toksicitetin e tyre dhe çfarë do të bëhen më tej, trajtimi apo asgjesimi i tyre. Ndërkohë që nga analizat pritet të përcaktohet nëse këto mbetje janë të dëmshme për mjedisin dhe shëndetin publik.