Prokurorët në Gjermani kanë nisur sot hetime për tentativë vrasjeje pas një helmimi te qëllimshëm në ushqimin e një universiteti të njohur. Shtatë njerëz janë sëmurur pas konsumit të disa llojeve të ushqimit në kuzhinën e Universitetit Teknik të Darmstadt në Gjermani, në atë që policia beson se tentativë helmimi. Disa studentë dhe anëtarë të stafit kanë parë sesi ngjyra e lëkurës së krahëve e këmbëve të tyre është bërë blu, pas konsumit të ushqimeve të kuzhinës dhe makinetës së pijeve. Gjashtë njerëz morën trajtim në spitalin e Darmstadt, pranë Frankfurtit, kurse një student 30-vjeçar ishte për pak kohë në situatë kritike për jetën. “Hetimet po zhvillohen me shpejtësi dhe policia po bën gjithçka për të identifikuar fajtorët”, thanë në një deklaratë autoritetet. Ata dyshojnë se disa shishe qumështi e uji në tre kuzhinat e universitetit, janë kontaminuar me substanca të huaja gjatë fundjavës. Duke cituar burime të hetimeve, e përditshmja Bild tha se Policia beson se nuk është e mundur që helmi të jetë përhapur aksidentalisht. Studentët janë nxitur që për momentin të konsumojnë ushqime ose pije të mbajtura prej tyre ose të ruajtura në vende të mbikqyrura.