250 pasagjerë, përfshirë fëmijë e të moshuar, pritën 24 orë për të marrë avionin në aeroportin e Hamburgut në fillim të korrikut, shkruajnë mediat gjermane. Pasagjerët zbuluan se avioni i tyre drejt Tiranes kishte pësuar difekt teknik dhe fluturimi do të shtyhej për ditën tjetër. Vendimin për këtë e kishte marrë Autoriteti kundër Zhurmave. Ditën tjetër edhe avioni që mbërriti nga Tirana ishte me shumë vonesë, e nuk u lejua të fluturonte natën. Vonesa e madhe ngjalli pakënaqësi tek udhëtarët që nisën të ngrenë zërin e të ankohen. Te revoltuar, atathanë se për shkak të këtyrë zvarritjeve, do t`u duhej vec të tjerave të përsërisnin dhe testin e koronavirusit, i cili u skadonte. Punonjësit e sigurisë së aerportit thirrën për ndihmë policinë e Hamburgut, që dërgoi atje plot 16 makina. Pas negociatash të zgjatura, avioni u nis më në fund në fluturim orët e para të mëngjesit të 6 korrikut, thuhet në artikull. Ngjarja ka ndezur debate të forta si përsa i takon sigurisë në aeroporte, edhe për ndalimin e bërë fluturimeve gjatë natës.