Kur një krokodil mbërtheu motrën e saj binjake, Georgia Laurie nuk u mendua dy herë. 28 vjecarja e goditi me grushte zvarranikun në kokë edhe pse nuk i shpëtoi dot as vetë kafshimeve të tij. Dy motrat britanike ishin duke notuar ne një lagunë pranë Puerto Escondido në Meksikë kur ndodhi sulmi, thotë BBC. Ajo po shihnin breshkat e ujit, dhe gjithcka po shkonte mjaft mirë deri në momentin kur Melissa papritur u zhduk nën ujë, e kafshuar nga një krokodil; këta zvarranikë zakonisht përpiqen që t`i mbysin viktimat e tyre. Georgia tentoi ta tërhiqte të motrën e ta nxirrte në breg; por krokodili u kthye përsëri e në atë moment, ajo filloi ta godistë me grushte. Kishte dëgjuar se me disa kafshë dicka e tillë funksionon”, rrëfejnë miqtë e vajzave. Në fakt, Georgia ia doli që me goditjet e saj ta zbrapste zvarranikun i cili u kthye plot tre herë. Ne fund, ajo mundi ta shpëtonte të motrën që kishte humbur ndjenjat. Të dyja vajzat janë shtruar aktualisht në spital, ku Melissa është në koma të indiktuar teksa mendohet se dhëmbët e krokodilit mund t`i kene shpuar njërën mushkëri.