Pamjet e fundit të regjistruara përpara vrasjes së Caroline Crouch nga bashkëshorti i saj në Greqi, e tregojnë 33 vjecarin të ulur në divan me vajzën e tij 11 muajshe në krah ndërsa shkëmbente si i tërbuar mesazhe me të shoqen e ndodhur në një dhomë tjetër. Cifti po grindej keq, dhe 20 vjecarja duket se kërkonte të largohej bashkë me të bijën. Një orë më vonë, Babis Anagnostopulos i afrohet kamerës së sigurisë dhe i heq kartën e memories, cka dëshmon edhe një herë se ajo nuk u shkatërroi nga banda e trilluar e grabitësve shqiptarë, të cilën 33 vjecari u përpoq ta përdorte si alibi për krimin e vet. Mësohet se të afërmit e 20 vjecarit tani po mendojnë të heqin fotografinë e dasmës nga varri i saj, me qëllimin të fshijnë cdo kujtim nga bashkeshorti vrasës i britanikes. Fotoja aktuale e tregon Caroline me fustanin e nusërisë dhe një buqetë lulesh në duar, shoqëruar me mbishkrimin: “Nënë, grua dhe vajzë e shumëadhuruar”. Ndërkohë, raportet ne mediat vendase tregojne se Anagnostopulosin e ka mohuar edhe vete familja e tij, pasi piloti rrëfeu se ishte pikërisht ai vrasësi i të shoqes.