Ambasadori i BE-së në Shqipëri, Silvio Gonzato zhvilloi sot një takim me kreun e Kolegjit të Posaçëm të Apelimit. Gjatë vizitës në Kolegj ambasadori theksoi rëndësinë e finalizimit të të gjitha aktiviteteve të vettingut përpara qershorit 2026, kur përfundon mandati kushtetues. Ai shtoi se Bashkimi Evropian qëndron fort në mbështetje të procesit të vettingut dhe të Operacionit Ndërkombëtar të Monitorimit.