Mosha është thjesht një numër për 74 vjeçarin që nuk dorëzohet për të mbyllur arsimin e mesëm. Diplomën e gjimnazit është i vendosur që ta marr, edhe pse në pension. Maturanti më i veçantë në provimin e parë të maturës këtë vit është Skënder Cena. “po jap për herë të dytë anglishten. Kam besim që do e marr 6 që ta kaloj. Dhe jashtë mase kam dëshirë të vazhdoj universitetin”. Aksidenti në rini në hidrocentralin e Fierzës i mori pjesërisht shikimin dhe u bë pengesa e parë për vazhdimin e shkollimit mes shumë vështirësive ekonomike. Mirëpo kur ishte 64 vjeç ju rikthye mësimit në shkollën profesionale në Kamëz, por mosha nuk e favorizoi në provimet e maturës. Në atë kohë anglishtja e sfidoi me rezultat jo kalues, që Skënderi beson nuk do jetë i tillë në përpjekjen e tanishme të dytë për ta dhënë provimin. Ndonëse nuk ju ka shpëtuar syve kureshtarë e ndonjëherë paragjykues. Me thënë të drejtën mësuesit dhe sekretarja më kanë pritur shumë mirë. Nxënësit menduan se isha profesor….