Presioni ndaj Serbisë për të mbajtur një qëndrim në lidhje me luftën në Ukrainë, po shtohet gjithnjë e më shumë. Të martën Gjermania i bëri thirrje Serbisë që të vendosë nëse dëshiron të anëtarësohet në BE apo të hyjë në një partneritet me Rusinë, vetëm dy ditë përpara se gjashtë vendet e Ballkanit Perëndimor, përfshirë shqipërinë, të diskutojnë për bashkëpunim më të ngushtë në Berlin. "Nevoja për një vendim vjen në funksion të zhvillimeve gjeopolitike," tha një përfaqësues i qeverisë gjermane për reuters. Serbia, e cila u bombardua nga NATO dy dekada më parë, por tani kërkon të bashkohet me Bashkimin Evropian, ka luftuar prej kohësh për të balancuar lidhjet e ngushta historikisht me Rusinë përkundrejt aspiratave për integrim ekonomik dhe politik me Perëndimin. ‘nëse vucic vendos ta drejtojë vendin e tij në drejtim të Bashkimit Evropian, ai mund të jetë i sigurt për mbështetjen e qeverisë gjermane. Por Nëse ai vendos të kundërtën, kjo sigurisht që do të ketë pasoja.", tha përfaqësuesi i qeverisë gjermane. Serbia, është një vend kandidat për në be që nga 2012, dhe në shtator të këtij viti vendosi të zhvillojë konsultime të rregullta të politikës së jashtme mbi aktivitetet dypalëshe me Rusinë, veprim i cili shkaktoi kritika të ashpra nga Blloku. Pamjet: AFP