Gjermania tashmë ka nisur drejt Sllovakisë aeroplanët luftarakë, të cilët do t’i ndihmojnë në mbrojtjen e hapësirës ajrore. Duke qenë se Sllovakia ia ka dhuruar Ukrainës shumicën e pajisjeve për mbrojtje, mjetet ajrore ushtarake gjermane do ta mbrojnë këtë anëtare të NATO-s deri më 22 dhjetor. Forcat ajrore gjermane raportuan se aeroplanët e dërguar do të jenë vazhdimisht aktivë në identifikimin e lëvizjeve të dyshimta në dëm të vendit në hapësirën ajrore. Duke qenë se Sllovakia është fqinje e Ukrainës, e cila është në luftë, rreziku është i lartë, njëkohësisht ky vend ka treguar gatishmëri duke i dorëzuar forcave ukrainase mjete të rëndësishme ushtarake. Që nga momenti i dorëzimit të sistemit të saj për mbrojtje ajrore S-300, në prill të vitit 2022, në ndihmë të sigurisë ajrore kanë ardhur Polonia, Republika Çeke dhe Hungaria. Si zëvendësim, Shtetet e Bashkuara dhe Holanda, i kanë dhuruar një sistem raketor për mbrojtje Patriot, ndërsa Gjermania dy të tjera. Pamjet: AFP