Presidenti i Iranit, Masud Pezeshkian, i pranishëm në Këshillin e Sigurimit të Kombeve të Bashkuara, u shpreh se Irani është i gatshëm për t’i dhënë fund mosmarrëveshjes për armët bërthamore me Perëndimin dhe bëri thirrje për përfundimin e luftërave në Ukrainë dhe në Lindjen e Mesme përmes dialogut. “Ne jemi të gatshëm të angazhohemi me pjesëtarët e Planit të Përbashkët Gjithëpërfshirës të Veprimit, nëse detyrimet e këtij të fundit zbatohen plotësisht dhe në mirëbesim. Dialogu për çështje të tjetra mund të pasojë”, tha Pezeshkian në fjalimin e tij të parë në takimin vjetor të Këshillin e Sigurimit të Kombeve të Bashkuara. Pezeshkiani, i cili u betua si president në korrik kur u zgjodh pas vdekjes së presidentit Ebrahim Raisi që humbi jetën nga rrëzimi i helikopterit me të cilin udhëtonte, është shprehur dhe më parë se Teherani është i hapur për të biseduar me Shtetet e Bashkuara për të kthyer marrëveshjen bërthamore të vitit 2015.