Arrestimi nga SPAK për korrupsion i kryebashkiakut Fatos Tushe dhe 10 zyrtarëve të tjerë , i çon qytetarët e Lushnjës këtë dielë përpara, kutive të votimit për të zgjedhur kryetarin e ri të bashkisë. Por lushnja, ndryshe nga qytetet e tjera te jugut, ka nje histori tjeter elektorale. Qeverisja lokale në vitet 1992 -2000 u udhëhoq nga Partia Demokratike. Katër vitet e ardhshme frenat e drejtimit të qytetit i morën, socialistët e me pas demokratët për ti a lënë vendit më vitet 2007-2011 te majteve, por qe siguruan fitoren vetem permes koalicionit PS-LSI Prej 2011 deri në Korrik 2021 Lushnja drejtohej nga socialisti Fatos Tushe të cilit prangat e SPAK për korrupsion në një tender me vlerë 24 milion lekë, ia ndërprenë mandatin e tretë. Investimet e qeverisjes socialiste si unaza e qytetit ku në të dyja anët e trotuarit janë vendosur palma, apo rilindja urbane e sheshit qëndror, në ballë te cilit qëndron e derdhur në bronx Vace Zela, përfshi investime të tjera përshëndeten nga qytetarët por ata rendisin disa kërkesa të tjera.