Franca po hedh hapa drejt masash drastike përsa i takon rrjeteve sociale: Një raport i Parlamentit të Francës për TikTok-un rekomandoi ndalimin e rrjeteve sociale për fëmijët nën moshën 15-vjeçare dhe vendosjen e një të ashtëquajturi “orari policor dixhital” për adoleshentët e moshës 15 deri në 18-vjeç, në përpjekje për ta frenuar ndikimin negativ mbi shëndetin e tyre. Një ndalim i tillë do të dërgonte një mesazh si për fëmijët, ashtu edhe për prindërit, se rrjetet sociale nuk janë të padëmshme para moshës 15-vjeçare. Në fakt, është e kundërta. Komisioni ka intervistuar familje viktimash, menaxherë të platformave sociale dhe influencerë për të analizuar algoritmin e TikTok-ut, një aplikacion jashtëzakonisht i popullarizuar mes të rinjve, i cili kopjohet edhe nga rrjete të tjera sociale.