Mbretëria e Bashkuar dhe Franca do të krijojnë qendra ushtarake në Ukrainë nëse arrihet një marrëveshje paqeje me Rusinë, deklaroi të martën vonë kryeministri britanik, Sir Keir Starmer, gjatë një konference për media me presidentin ukrainas Volodymyr Zelensky. Starmer tha se Britania dhe Franca kanë nënshkruar një “deklaratë të qëllimit të mirë” për vendosjen e forcave të tyre në Ukrainë, duke theksuar se kjo do të ofrojë mbështetje afatgjatë për rigjenerimin e forcave të armatosura ukrainase dhe sigurinë e hapësirës ajrore dhe detare të vendit “Kjo është një pjesë jetësore e angazhimit tonë për të qëndruar me Ukrainën për një kohë të gjatë. Krijimi i qendrave ushtarake do të lehtësojë vendosjen e objekteve të mbrojtura për armë dhe pajisje ushtarake në mbështetje të nevojave mbrojtëse të Ukrainës”.