Këngëtarja shqiptare me famë botërore, Bebe Rexha, pretendon është kërcënuar se do t’i ndalohej hyrja në avionin me të cilin do të kthehej në shtëpi, vetëm sepse I foli në gjuhën shqipe agjentit të sigurisë. Artistja ka publikuar në rrjetin social “Instagram”, një video ku shfaqet duke qarë dhe tregon se është kërcënuar nga agjenti në aeroportin e Mynihut, të cilit iu drejtua në gjuhën shqipe sepse mendonte se ishte shqiptar. “E pyeta ku mund të marr biletën time dhe tani ai po më ndalon të fluturoj”, shprehet mes lotësh ylli i muzikës pop. Në një shkrim të publikuar më vonë në “Insta Story”, Bebe Rexha e cilësoi incidentin një akt urrejteje ndaj shqiptarëve. “Unë besoj se ky është një akt urrejtjeje ndaj meje sepse jam shqiptare. Ai nuk më lejoi t’i marr emrin. Asnjë nga zonjat që punonin në Lufthansa nuk ndërhyri.” shkruan bebe rexha, e cila thekson gjithashtu se ka arritur të zbulojë se agjenti i sigurisë punonte për kompaninë ATSG, një kompani shërbimesh për kontrollin e dokumenteve, i punësuar nga Lufthansa.