Kryeministri izraelit, Benjamin Netanyahu, ka ndjekur një rrugë fluturimi jo të zakonshme në udhëtimin e tij drejt Shteteve të Bashkuara, mes frikës se mund të arrestohej nëse kalonte mbi hapësirat ajrore të disa vendeve europiane. Netanyahu u nis nga Tel Avivi të mërkurën në mbrëmje për të marrë pjesë në Asamblenë e Përgjithshme të Kombeve të Bashkuara dhe për të zhvilluar një takim me ish-presidentin amerikan, Donald Trump. Në vend që të fluturonte në itinerarin e zakonshëm mbi disa vende të Evropës, fluturimi i tij ndoqi një rrugë më të gjatë përgjatë Detit Mesdhe dhe kaloi nëpër Ngushticën e Gjibraltarit, sipas të dhënave nga faqet që ndjekin fluturimet. Avioni kaloi për një kohë të shkurtër mbi hapësirat ajrore të Greqisë dhe Italisë, por shmangu tërësisht Francën dhe Spanjën – gjë që zgjati ndjeshëm kohëzgjatjen e fluturimit.