New Delhi u zgjua të premten i mbuluar nga një re tymi toksik prej fishekzjarreve masive të festivalit hindu Divali një natë më parë. Në pika të ndryshme të kryeqytetit ndotja ishte 15 herë më e lartë se niveli i lejuar nga OBSH. Gjykata e lartë indiane në Delhi kishte ndaluar përdorimin e fishekzjarreve dhe ka nxitur njerëzit të festojnë pa to. Por gjithsesi rreth 20 milionë rezidentët e qytetit arrijnë t’i sigurojnë ato dhe i ndezën dje gjithë natën për festën që njihet ndryshe si “Festivali i Dritave”. Sandip, rezident i Delhi tha për rrjetin AFP se qeveria nuk po e bënte punën e saj. "Mendoj se duhet të bëhet më shumë. Ne të gjithë po kollitemi më shumë dhe kemi irritim në fyt, keshtu sëmuremi më shpesh”, tha ai. Një raport i grupit 2020 nga moniotoruesit zvicerjan IQAir tha se 22 nga 30 qytetet me te ndotura te botes ishin ne Indi.