Tashmë Finlanda do të bëhet zyrtarisht anëtare e NATO-s brenda disa ditësh, pasi Turqia miratpi më në fund kërkesën. Pas shumë muajsh vonëse dhe zvarritje parlamenti I Turqisë miratoi aplikimin e Helsinkit, duke u bërë anëtari i fundit i aleancës ushtarake të udhëhequr nga SHBA që e bën këtë. Shefi i NATO-s, Jens Stoltenberg deklaroi se Finlanda do të bëhet zyrtarisht një anëtare brenda disa ditësh, njëkohësisht përgëzoi presidentin e saj për largimin e pengesës përfundimtare për anëtarësim. Sinkron: Shefi i NATO-s - Jens Stoltenberg “Që atëherë, ne kemi parë procesin më të shpejtë të ratifikimit në historinë moderne të NATO-s. Të gjithë aleatët pajtohen se përfundimi i shpejtë i procesit të ratifikimit për Suedinë do të jetë në interesin e të gjithëve. Mezi pres të mirëpres edhe Suedinë si një anëtare e plotë e familjes së NATO-s sa më shpejt të jetë e mundur." Por Suedia ende nuk e ka marrë dritën jeshile për tu anëtarësuar në NATO, edhe pse aplikimi u bë në të njëjtën kohë me Finlandën. Turqia ishte anëtari i fundit i NATO-s që miratoi pranimin e Finlandës, megjithëse Hungaria e bëri këtë në fillim të javës. Në një deklaratë pas votimit, presidenti finlandez Sauli Niinisto tha se vendi i tij është tani gati për t'u bashkuar me NATO-n. Finlanda dhe Suedia ishin përkushtuar për dekada për mos-angazhim me NATO-n si një mënyrë për të shmangur provokimin e Moskës. Megjithatë, kjo ndryshoi kur presidenti rus Vladimir Putin urdhëroi trupat e tij në Ukrainë dhe i detyroi dy vendet skandinave të rivlerësonin statusin e tyre neutral. Pamjet: AFP