Athina e priti ardhjen e vitit 2026 me një festë madhështore në sheshin Sintagma, ku mijëra qytetarë u mblodhën për koncertin dhe spektaklin e organizuar nga Bashkia e Athinës. Nën tingujt e muzikës dhe me pjesëmarrjen e artistëve të njohur, ora e ndërrimit të viteve u shoqërua me numërimin mbrapsht nga kryebashkiaku Charis Doukas dhe një atmosferë e bukur festive. Në mesnatë, qielli mbi kryeqytet u ndriçua kryesisht nga fishekzjarrë pa zhurmë dhe nga një shfaqje dronësh, që respektuan mjedisin dhe ndjeshmërinë e kafshëve. Akropoli dhe Partenoni u ndriçuan simbolikisht, duke ruajtur një karakter më të qetë, por po aq imponues për Vitin e Ri. Ndërkohë, Selaniku e mirëpriti 2026-ën me një spektakël mbresëlënës lazerësh dhe muzikë elektronike pranë Kullës së Bardhë, ku u mblodhën mijëra banorë dhe vizitorë. Fasada ikonike u “mbulua” nga dritat dhe ngjyrat, duke dërguar nga veriu i Greqisë mesazhin e optimizmit dhe bashkimit për vitin e ri.