Nën pretendimin se e kishte arrestuar pa të drejtë, një fermer shqiptar sulmoi një polic grek me shufër hekuri, duke e goditur disa herë në kokë e fytyrë e duke i shkaktuar dëmtime të tilla që kërkojnë një seri operacionesh plastike. Incidenti ndodhi gushtin e vitit të kaluar në plazhin e Paxos, shkruan Protothema, sipas të cilës shqiptari është dënuar tani me 9 vjet burg për vrasje të mbetur në tentativë. gazeta greke shkruan se efektivi në ato momente nuk ishte në shërbim dhe ka qenë duke shëtitur në plazh së bashku me dy kolege, kur i është afruar shqiptari me shufrën e hekurit. 50 vjecari e ka sulmuar pa mëshirë duke e zënë në befasi, e duke i shkaktuar plagë të mëdha. Sipas dëshmitarëve, atij duket sikur nuk i interesonte nëse polici do të mbijetonte dot nga plagët e marra. fermeri thotë se kishte probleme personale me policin që e kishte ndaluar më parë, megjithatë dëshmitarë të tjerë thanë se kjo nuk ka ndodhur ndonjëherë. në të shkuarën sidoqoftë zyrtarë të policisë greke janë përfshirë shpeshherë në situata të dyshimta e me sfond dhune