Mospagesa për një foto me kalin u bë shkak i vrasjes së ndodhur pasditen e kësaj të marte pranë kalasë së Beratit. Viktima, Keli Hoxha ishte me nënën, bashkëshorten dhe dy fëmijët pranë kalasë. Ai u ka bërë foto fëmijëve me kalin dhe nuk ka paguar para. Pas kësaj ka nisur debati mes tyre dhe pronari i kalit, Kristo Mema alias Kastriot Hoxha, 63 vjeç, e qëlloi me thikë turistin nga Tirana, në sy të familjarëve të tij. Autori i ngjarjes rezulton me precedent penal edhe në shtetin fqinj, Greqi. Shërbimet e Policisë janë vënë në ndjekje të autorit dhe e arrestuan pas disa orësh. Kjo është ngjarja e katër kriminale e ndodhur brenda pak orësh në vendin tonë. Një kamerier u vra në Tiranë nga kolegu i tij për një tas proshute, ndërsa në Durrës, një 25-vjeçar vrau babanë e tij. Në orët e para të mesditës së kësaj e martë në Shkodër iu vu tritol 38-vjeçari Enea Busukja, i cili sapo ndezi makinën, mjeti shpërtheu.  Si pasojë ai mbeti i plagosur.