Fatura e borxheve tatimore dhe doganore të papaguara të krijuara në një periudhë 10 vjecare arrin vlerën e 507 milionë eurove. Projektiligji I cili përcakton edhe këto detyrime I titulluar si “Ligji për fshirjen, shuarjen dhe pagesën e detyrimeve tatimore ndaj administratës tatimore qendrore dhe detyrimeve të pagueshme në doganë” ka nisur procedurën e konsultimeve me grupet e interesit. “Neni 5, parashikon fshirjen e plotë të detyrimeve tatimore direkte apo indirekte të papaguara që i përkasin periudhave deri më 31 dhjetor 2014, përveç kontributeve të sigurimeve shoqërore dhe shëndetësore. Për këto të fundit, parashikohet fshirja ose shuarja e dënimeve administrative dhe kamatëvonesave për periudhat deri deri më 31 dhjetor 2014, duke përfshirë edhe të vetëpunësuarit në bujqësi, por pa përfshirë kontributin. Po ashtu, ky nen parashikon faljen e gjobave dhe kamatëvonesave në rastet kur është paguar principali.” Këto janë dhe borxhet e përllogaritura nga Minsitria e Financave deri nga fundi I 2014 deri në dhejtor 2024. Ajo cfarë vihet re është përllogaritja e borxheve sipas periudhave mujore dhe vjetore ku theksi vihet tek ajo 10 vjecare.