Ministrja belge e Energjisë paralajmëroi se vendet e BE-së do të përballen me pesë deri në 10 dimra të tmerrshëm nëse nuk bëhet asgjë për të ulur çmimet e gazit natyror. Gjithmonë e më shumë po shtohen thirrjet për vendosjen e një tavani mbi çmimin e gazit dhe shkëputjen e tij nga çmimi i energjisë elektrike. Vendet e bllokut europian po përballen me një rritje të ndjeshme të cmimit të energjisë që kur furnizuesi kryesor i tyre, Rusia pushtoi Ukrainën në shkurt, duke nxitur vendosjen e sanksioneve ndaj saj. Vendet që mbështesin Ukrainën po përpiqen t`i reduktojnë importet e gazit dhe naftës ruse, por kjo po vjen me një kosto të lartë. Rusia, që vitin e kaluar furnizoi BE-në me 40% të gazit të saj, i ka tkurrur tani dërgesat e saj. Për ministren belge të Energjisë Tinne Van der Straeten, cmimet e gazit në Europë duhet të ngrijnë urgjentisht, ndërsa insistoi nga ana tjetër se dhe lidhja mes cmimit të gazit e asaj të energjisë elektrike është artificiale dhe duhet të reformohet.