Aktori amerikan Matthew Perry , i njohur për rolin e çendler Bing në hitin televiziv të viteve ’90 “Friends”, ka ndërruar jetë në moshën 54-vjeçare. Aktori u gjet i vdekur në shtëpinë e tij në Los Angeles, në rrethana ende të paqarta. Sipas mediave të huaja, aktori u gjet i pajetë në vaskë në shtëpinë e tij. Policia dhe hetuesit mbërritën në vendin e ngjarjes për të zbuluar më shumë detaje nga vdekja e papritur e 54-vjeçarit, shkaqet e së cilës mbeten ende mister, teksa autoritetet amerikane kanë mohuar të kenë gjetur lëndë narkotike në apartamentin e tij. Aktori kishte kaluar vite të vështira duke u trajtuar nga varësia ndaj alkoolit. Perry njihej edhe për përdorimin e opioideve të njohura si medikamente qetësuese por që për nga rrezikshmëria konsiderohet drogë deri 50 herë më e fortë se heroina. Në moshën 49-vjeçare aktori ka qëndruar në koma për dy javë, dhe për muaj të tërë në spital pas problemet në zorrën e trashë.