Dy të arrestuarit për vrasjen e Renis Dobrën, kane mbyllur gojën para hetuesve. Petrit Cakri pretendon se me vëllezërit Bushgjoka ka krijuar njohje në burg. Kristi Bushgjoka tashmë në kërkim ka qënë në të njëjtin burg ku Cakri ka vuajtur dënimin për mashtrim. Pas përfundimit të dënimit ai ka ruajtur kontakte me vëllezërit por nuk është organizuar me ta as për ta marrë peng dhe as për të vrarë 23 vjeccarin. Ai pretendon se mbrëmjen e 8 korrikut është takuar me vëllezërit që kishin ardhur në fshatrat e Burrelit për të siguruar lëndë narkotike. Ndërsa për Renis Dobrën ai shprehet se nuk e ka njohur më parë dhe nuk ka patur konflikte me të. Pas konsumimit të një kafeje me vëllezërit dhe një shëtitje me makinë Cakri pretendon se kanë udhëtuar me makina të ndara dhe se vrasjen e 23 vjeccarit e ka marrë vesh të nesërmen në media. Të pa përfshirë në vrasje e konsideron veten edhe Fatjon Bushgjoka, pavarsisht se provat materiale që policia ka në dorë krijojnë dyshime të arsyeshme për të dhe 2 të vëllezërit në kërkim të cilët morrën makinën me qerta në tiranë dhe I bënë pritë 23 vjeccarit.