Aminan Rahman do të përballet me burgim të përjetshëm në Londër pasi mbyti për vdekje bashkëshorten Shima Begum dhe më pas hodhi trupin e saj në lumë, në krimin e tmerrshëm që besohet se është dëshmuar nga fëmijët e çiftit. Aminan Rahman është shpallur fajtor tashmë për vrasjen e gruas në shtëpinë e tyre në Lindje të Londrës më 29 prill të vitit të shkuar, teksa ajo ishte një një video-komunikim direkt me atë që konsiderohet si “i dashuri” i rrjeteve sociale, shkruan Daily Mail. Për të mbuluar gjurmët e krimit Rahman kishte futur trupin e 24-vjeçares në një valixhe dhe hedhur në lumin Lea – degë e lumit Tamiz. Valixhja me trupin e së resë ishte gjetur dhjetë ditë më vonë nga punonjës pastrimi në brigjet e lumit. Rahman u shpall fajtor në gjyqin me detaje të vrazhda nga vrasja, e cila ishte regjistruar pjesërisht nga i dashuri i saj online Shahin Miah, 24 vjeç, i cili kishte dorëzuar imazhet policisë. Miah ishte prezent në gjykatë ku tha se Rahman kishte kërcënuar të vriste Begum dhe gruaja kishte tentuar të largohej.