Disa persona të panjohur i zënë rrugën dhe e kërcënojnë duke e detyruar t`i japë atyre motorrin e tij të vogël. I riu përpiqet t`ii kë, por agresorët nuk ndalen me kaq. Ata e qëllojnë me pistoletë, megjithatë për djaloshin nga Torre Annunziata e Napolit, ndodh e pabesueshme: plumbi që në të kundërt mund t`i kishte marrë jetën, ngec brenda bllokut të shënimeve në cantën e shpinës. Vetëm disa orë pas ndodhisë, i riu e kuptoi se cfarë kishte ndodhur kur pa vrimën e shkaktuar nga plumbi, dhe sa pranë i kishte kaluar rrezikut. Atëherë vendosi t`i drejtohet karabinierëve e të bëjë denoncimin, ndërsa dorëzoi dhe bllokun shpëtimtar ku u gjet dhe plumbi. Ai rrëfeu se ndërsa ikte me vrap kishte dëgjuar vetëm një zhurmë, por nuk ia kishte vënë veshin. Kur shkoi në punë dhe hoqi cantën, u ndërgjegjesua sesa pranë mund t`i kishte qenë vdekjes.