Një 28 vjeçar dhe një 60 vjeçar janë viktima në tre aksidentet e ndodhura në vend përgjatë kësaj të hëne. Aksidenti i parë ndodhi që në orët e para të mëngjesit në Lushnjë ku një i ri që ishte duke lëvizur me një motomjet në fshatin Ngurrëz u përplas me një automjet që drejtohej nga një 32-vjeçar. Si pasojë e goditjes së fortë, humbi jetën në vend drejtuesi i motomjetit, 28 vjeç. Ndërkohë në superstradën Lezhë-Shkodër një makinë doli nga rruga në vendin e quajtur “kryqëzimi I Pirajve”. Për pasojë u plagos drejtuesi dhe pasagjerja që ndodhej me të në mjet. Ata u transportuan në spital për ndihmë mjekësore, ndërsa policia po heton për zbardhjen e shkaqeve të aksidentit. Aksidenti i tretë ndodhi në mesditë në autostradën “Fier-Vlorë”, në afërsi të fshatit Novosel, ku një 44 vjeçare që drejtonte një "Ford", ka aksidentuar një shtetas rreth 60 vjeç, ende të paidentifikuar i cili si pasojë e dëmtimeve të marra ka humbur jetën në vendngjarje. Policia ndodhet në vendngjarje dhe po kryen veprimet e mëtejshme për aksidentin.