Në pamje shihen zjarrfikës rusë që shuajnë flakët në rafinerinë e naftës Novoshaktinsk, e cila dyshohet se u bë objekt i një sulmi me dron nga Ukraina. Autoritetet ruse thanë se sulmi erdhi pikërisht nga drejtimi i Ukrainës, teksa uzina e cila në qytetin kufitar Rostov, lëshoi flakë e tym të zi duke u detyruar të ndalë prodhimin. Shef i Ministrisë së Emergjencave të Rusisë për Rajonin e Rostovit tha se kishte dy sulme të njëpasnjëshme me dron në orët e mëngjesit. “Sot në orën nëntë është marrë informacion nga zjarrfikësit për një zjarr në rafinerinë e naftës , aty janë dërguar forca dhe mjete për të shuar zjarrin e një grade të lartë”, tha Sergej Filippov. Sulmi i dytë duket se kishte si objektiv rezervuarët e naftës së papërpunuar, në rafinerinë që konsiderohet si furnizuesi më i madh i produkteve të naftës në Rusinë jugore. Pamje në mediat sociale treguan se si një dron që fluturonte drejt rafinerisë, duke shkaktuar një shpërthim të madh pas goditjes.